Home Uncategorized Mama lo kier a kima mannan di su yiu ariba stoof, segun...

Mama lo kier a kima mannan di su yiu ariba stoof, segun e na su pais ta algo “normal”

SHARE

Sero Blanco – Diamars merdia algo despues di 1:30 polis a wordo manda cu urgencia pa un compleho di apartamento, cu ta situa na Sero Blanco.
Aki nan segun bisiñanan un mama lo kier of a kima man di yiu ariba stoof. Un yiu mas chikito lo a core sali spanta gritando esey.

Na yegada polisnan ta wordo mustra door di bisiñanan na cua number di apartamento nan mester ta.
Paden polis a papia cu e mama, cu ta procedente di Haiti y segun polisnan a compronde e no a kima e man pero si tawata kier of a spanta e mucha muhe cu e lo kima su mannan ariba stoof.

Na e sitio nos por a compronde di bisiñanan cu segun e mama, na Haïti ta “masha normal” pa straf of spanta un mucha di e manera eynan, pues nan cultura. Esaki segun e propio mama.

Mirando cu e no a kima e mucha su mannan, nan a papia seriamente cune y tambe lo pone instancianan concerni na altura. Aki na Aruba nos no conoce sorto di strafnan asina pa un mucha.