Home Uncategorized Despues di a anuncia Eromil Bakmeyer siman pasa riba lista di POR...

Despues di a anuncia Eromil Bakmeyer siman pasa riba lista di POR E siman aki mas candidato lo keda anuncia

SHARE

Plataforma politico POR, E Forsa Nobo, for di inicio caba a mustra cu nan intencion ta pa bin cu un forma di politica nobo y esaki ta wordo refleha claramente a traves di su candidatonan  cu ta representa un mezcla di profesionalismo, experiencia, hubentud y mas cu tur deseo pa por ofrece nos isla algo miho.

Siman pasa a anuncia e participacion di Eromil Bakmeyer riba e lista di POR, un professional hoben den e area di salud y cu atencion special riba e parti di prevencion y proteccion di nos muchanan. E acogida di Eromil den comunidad tabata hopi grandi y cu hopi entusiasmo, teniendo na cuenta cu Cuido Medico y Seguridad di Mucha ta dos punto di atencion principal pa nos comunidad y tambe pa POR.

Eromil ta uni su mes na un team cu ta representa tur districto di Aruba y tur area di atencion riba nos pida baranca manera ta Robin-Ann Didder, Alan Howell, Jacky van Putten, Marisol Lopez-Tromp, Ronny Maduro, Michella Steenvoorde-Lacle, Curtis Fraser, Joselin Croes, Eddy Ras, Andin Bikker y Otmar Oduber.

E siman aki lo continua cu presentacion di mas candidato cu ta enfoca entre otro riba e parti di seguridad di nos isla, topico cu ta un di esunnan mas importante pa nos comunidad y cu a bon dilanti na tur momento durante e diferente reunionnan, encuentronan y sesionnan di focus groups cu POR a realisa den cuadro di su ‘bottom up approach’ pa logra prepara un plan di accion cu realmente ta representa loke ta biba den nos comunidad y loke nos hendenan kier pa wordo haci y haya e atencion necesario.

POR ta hopi orguyoso di tur su candidatonan cu a bin ta demostrando nan enfoke riba e diferente temanan di importancia den nos comunidad y cu a compromete nan mes pa traha y hiba nos isla dilanti y cu ta para y sostene e pensamento y ideal cu hunto por logra e metanan y obhetivonan stipula pa por logra un desaroyo real pa henter nos isla.