Home Uncategorized Dama cu a yuda ladron di e taxi huy, deteni na Caya...

Dama cu a yuda ladron di e taxi huy, deteni na Caya Souer Dorothea

SHARE

Bushiri – Dialuna marduga despues cu polis a localisa e taxi horta y cu nan a perde e ladron di bista, nan ta haya tip di un habitante.

E habitante ta splica di un homber cu lo a core subi un jeep blanco y bandona e sitio.
Esaki a sosode den area di Playa Pabou.

Polisnan atento a sigui controla y pabou di Fanastic Garden den Caya Souer Dorothea ta bin topa cu un Mitsubushi Pajero stuur rechts staciona, den e dje un dama.

Polisnan a haci e dama varios pregunta relaciona cu e homber cu ela hinca den auto, pero no tawata kier a coopera. No a keda polis nada otro pa detene y transporte pa warda di Playa. E auto mientrastanto a wordo getakel y hiba warda pa mas investigacion.

E momento eynan polis a busca den e area y tawata sa cu e homber ta den e vecindario, pero door di e scuridad tawata imposibel pa a haye. Bayendo warda cu e dama polis ta haya informacion cu e homber R.Croes a yama y bisa cu e lo entrega su mes pa asina ey evita mas problema.