Home Uncategorized Bus ta cay den un abismo, 16 persona ta perde nan bida...

Bus ta cay den un abismo, 16 persona ta perde nan bida y 30 ta keda herida

SHARE

CUIDAD DI MEXICO: Sigur un 16 persona a perde nan bida y 30 persona a keda herida, diadomingo anochi den un accident den cual un bus tabata involvi, esaki a sosode den e parti mas zuid di Mexico, den e seronan di Motozintla. E bus aparentemente lo a perde control, a baha caminda y a cay den un abismo, cu un profundidad di 70 meter.

E presidente Mexicano Enriqui Peña  Nieto via su cuenta di Twitter a manda condolencia na famia di e fayecidonan. ” Mi pensamentonan ta cerca e famianan cu a perde nan sernan keri den e accidente tragico den e bus”.

E accident a sosode cerca di e frontera cu Guatemala, e pasaheronan tabata peregrinonan cu a assisti na un reunion Cristian  na e localidad de Pijiapan y nan tabata di regreso.