Home Uncategorized Drive by shooting ariba parkeer plaats di Molen cu consecuencia fatal

Drive by shooting ariba parkeer plaats di Molen cu consecuencia fatal

SHARE

Palm Beach – Diadomingo marduga pa mas o menos 4:30 un biaha mas den boca di pueblo parkeer plaats di Molen, ta den noticia.

Polis ta haya melding cu 6 tiro lo a wordo scucha na Molen y cu lo tin hende herida.
Na yegada polisnan ta wordo mustra unda e persona herida lo ta.

Entre algun auto ariba e parkeer plaats pariba nan ta haya un homber color scur ariba su barica drumi y no tawata mustra di ta señal di bida.
Ambulance tambe a presenta na sitio pero no por a haci mucho. Ambulance ta bandona e luga despues di algun rato.

Mes ora instancianan concerni a wordo notifica pa nan yega e luga.

Departamento Tecnico policial cu a yega e sitio, pa cuminsa nan trabou investigativo

Informacion cu nos a logra compila ta indica cu e homber aki henter anochi y mas trempan marduga lo a haye den varios problema na otro sitionan nocturno den Hot Zone mes. Un di e caso nan tawata caminda cu e lo a mishi cu dama, na un parti di su curpa.

Na Molen, posiblemente e lo sigui causa un of otro molester. Loke a sigui despues tawata cu un auto color scur ta pasa banda di dje caminda e tawata para y ta los varios tiro den su direccion, caminda un ta alcanse den cabes su pecho y lomba, causando asina su morto.

Victima drumi boca abou, entre autonan staciona

Pa 5:30 Dr Texier ta constanta morto di e homber, cu te na e momennto nan ey no a ser indentifica, mirando cu polis no a logra haya nada di identificacion ariba dje.

Un caso sigur lamentabel y por bisa cu esaki ta bira di dos asesinanto ariba parkeer plaats di e establecimiento notorio aki, e prome tawata parti pabou.