Home Uncategorized The Tropical Bottling Company ta anuncia: Bombay Sapphire reconoci un biaha mas...

The Tropical Bottling Company ta anuncia: Bombay Sapphire reconoci un biaha mas como e “Miho Premium Gin” na mundo Ganado di dos medaya: “double gold” y “gold”

SHARE

ORANJESTAD, ARUBA: Bombay Sapphire, conoci como “The World’s #1 Premium Gin” a gana e prestigioso medayanan “Double Gold” y “Gold” na e di 17 San Francisco World Spirits Competition (SFWSC) recientemente. Un hurado consistiendo di 43 experto internacional riba tereno di bebida alcoholico, particularmente e categoria “spirits”, incluyendo Tony Abou-Ganim como director di hurado, Master Mixologist y un di e pioneronan lider di e cultura “craft cocktail” Mericano, a otorga e premionan.

 

Como representante di Bombay Sapphire na Aruba, The Tropical Bottling Company ta orguyoso di tin un producto di fama mundial y e calidad mas halto, den nan portfolio. Mas di 2100 producto a forma parti di e competencia aki, cu ta considera esun di mas influencia mundialmente.

 

E designacion “Double Gold” ta exclusivamente pa productonan cu ta ricibi un puntuahe di “gold medal” di tur e miembronan di e hurado. Esaki ta un honor grandi, y un confirmacion cu Bombay Gold ta un di e productonan mas refina na mundo.

 

Segun Raj Nagra, kende ta e embahador global pa e marca Bombay Sapphire, “Bombay Sapphire ta realmente liderando e resurgimento di gin, y nos ta encanta cu e pasion infinito y esfuerso cu ta bay den crea un likido exkisito, manera demostra pa nos Master of Botanicals Ivan Tonutti, kende ta biaha rond mundo buscando e miho ingredientenan botanico, a keda reconoci den un competencia asina prestigioso.

 

Bombay Sapphire ta e premium gin lider mundialmente pa su balor. Basa riba un receta crea na 1761, Bombay Sapphire gin ta crea pa medio di un balans perfecto, un combinacion unico di 10 ingrediente botanico selecta na man for di rond mundo. E distileria na Laverstoke Mill a gana un premio BREEAM pa sostenibilidad y ta e cas di Bombay Sapphire su proceso unico “Vapour Infusion”, unda cu sabornan natural di e ingredientenan botanico ta wordo captura, y ta resulta den e sabor fresco y vibrante cu ta sinonimo na Bombay Sapphire.