Home Uncategorized Nieto di Shon Lang, Jeremy v/d Linden: MFA ta un bon idea...

Nieto di Shon Lang, Jeremy v/d Linden: MFA ta un bon idea y orguyoso di e dedicacion

SHARE

ORANJESTAD – Cinco aña pasa, tempo cu Shon Lang (dfm) a bay laga nos, Jeremy van der Linden, su nieto tabata ainda un mucha y hopi di e logronan di su welo, e conoce como storia cu e ta tende di famia, conoci y bisiñanan di Savaneta. Pesey mes, e reconocemento cu Gabinete Mike Eman ta duna di yama MFA di e bario ‘Cas di Shon Lang’ ta laga e hoben aki sinti un orguyo grandi.

E siman aki Jeremy hunto cu su mayornan y otro famia a haya recorido di e edificio for di delegacion di MFA encabes pa Prome Minister Mike Eman mes. Na final a puntr’e tocante su impresion y el a expresa su satisfaccion. ‘Mi ta haya ta un bon idea y no a haya un bon splicacion di e proyecto.’

Como parti di un famia prodigioso den musica, Jeremy ta admiti cu e tambe ta gusta toca guitara leu a leu. Sigur e ta consciente cu tras di e nomber di su welo, tin un legado grandi di dedicacion na expresion artistico aki. Pa loke ta trata e dedicatoria cu ta bin grandi riba e edificio di MFA Savaneta y lo keda devela na su apertura den un par di luna, Jeremy ta ‘haya cu ta algo bon, ya cu mi no tabatey e tempo aya.’