Home Uncategorized Grandioso lansamento di Gerlien Croes como candidato di AVP

Grandioso lansamento di Gerlien Croes como candidato di AVP

SHARE

ORANJESTAD – E lansamento oficial di Gerlien Croes como candidato nobo riba lista di AVP a paralisa henter bario di Hooiberg, Pavia y Piedra Plat diabierna atardi pa anochi.

Simpatizantenan di partido berde lidera pa Mike Eman y otro candidatonan a dirigi un caravana di auto for di tur skina di Aruba cu a reuni na crusada di Bright Bakery. For di eynan den forma di jump up a yega na residencia di Duke Croes na Hooiberg kende simbolicamente a pasa e batuta politico den famia pa su subrina.

E anochi a conta cu discurso di e ex Parlamentario di AVP como tambe di Gerlien su primo, ex candidato y Minister di AVP Michelle Hooijboer Winklaar y naturalmente e propio lider di Partido di Pueblo Arubano, Mike Eman.

Tur a enfarisa e cualidad y capacidadnan di Gerlien pa inicia su carera den servicio publico; caulidadnan manera norma y balornan di un famia honesto Arubiano; y determinacion y innovacion como un hoben profesional. Partido AVP ta gradici Gerlien pa su confiansa y hopi exito den su carera politico.