Home Uncategorized Parlamentario mr. Juan E. Thijsen (MEP): Nos ta determina pa traha duro...

Parlamentario mr. Juan E. Thijsen (MEP): Nos ta determina pa traha duro pa tin progreso pa un y tur

SHARE

Segun Parlamentario mr. Juan E. Thijsen despues di 8 anja di sufrimento ta tempo pa e pueblo y tur cu ta forma parti di pueblo por progresa y asina tin un mihor calidad di bida.

Parlamentario mr. Juan E. Thijsen pa e eleccion aki a escoge como lema personal Ady pa Progreso. Progressive Thinking is a comprehensive and practical synthesis of the current and best understanding of progressivism, encompassing its history, traditions, worldview, values and positions on major issues. Everyone gets a fair shot, everyone does his or her fair share, and everyone plays by the same rules. Segun e pensamento progresivo tur hende ta haya oportunidad pa haya su parti di progreso den nos comunidad y tur hende ta worde trata cu mesun reglanan di wega. Segun Parlamentario mr. Juan E. Thijsen si nos wak e Aruba di Mike Eman y AVP nos no por bisa cu esaki ta e caso. E ta un hecho cu nos pueblo a bai atras den tur sentido di e palabra! Pesey mes Parlamentario mr. Juan E. Thijsen ta considera esaki como su trabao pa hunto cu partido pa logra cambia nos pais y trece progreso pa un y tur.

Nos grandinan tin derecho pa progreso! Despues di a contribui na nos comunidad henter nan bida nos grandinan merece un bida trankil, un bon entrada y un bon cuido medico.

Nos pensioenadonan tin derecho pa progreso! Lo pone un fin na persecucion di nos pensioenadonan pa nan tambe tin un bida trankil, un bon entrada y un bon cuido medico.

Nos muchanan tin derecho pa progreso! Gobierno di AVP a percura pa debe riba cabez di muchanan locual mester wordo alivia. Tin cu elimina tur abuso di mucha incluyendo abuso sexual di menornan. Muchanan tin cu lanta den mihor ambiente y pesey cu lo mehora orarionan di trabao di mayornan.

Nos muchanan special tin derecho pa progreso! Lo percura pa muchanan special lanta cu tur oportunidad pa tin un bida di calidad apesar di dificultadnan personal.

Nos studiantenan tin derecho pa progreso! Studiantenan mester haya e miho educacion y oportunidad den nos comunidad den nan futuro sin tin cu mara nan mes ta debenan halto.

Nos trahadonan tin derecho pa progreso! Nos mercado laboral a crash y e trahado ta perhudica. Lo percura pa cambionan grandi y structural pa e clase trahador haya su posicion fuerte den comunidad bek.

Nos empresarionan tin derecho pa progreso! Lo percura pa cambio necesario pa comercio por desaroya su mes y yega na un progreso cu e no solamente por sobrevivi pero tin ganashi pe y pa su empleadonan y asina ambos ta satisfecho.

Nos agricultornan tin derecho pa progreso! Nos criadonan di bestia tin derecho pa progreso! Nos piscadonan tin derecho pa progreso! Pa prome biaha lo introduci un maneho pa haci di agricultura, cria y pesca un pilar economico na unda no solamente e sectornan aki ta beneficia pero e comunidad tambe atravez di cuminda fresco y saludable.

Nos Arubianonan nobo y tur cu a bin contribui na nos pais tambe merece progreso. Lo elimina segregacion loke AVP a bin ta haci e ultimo 8 anjanan aki y percura pa integracion den nos comunidad pa e progreso di nos pais ta pa nan tambe.

Segun Parlamentario mr. Juan E. Thijsen nos compromiso pa cu nos digno pueblo ta pa dunanan e progreso cu nan merece!!!!

Hunto p’e cambio!

Sin miedo!