Home Uncategorized Aruba Bank ta Aporta Cincuenta Mil Florin na Projecto di Rehabilitacion Cas...

Aruba Bank ta Aporta Cincuenta Mil Florin na Projecto di Rehabilitacion Cas Speransa

SHARE

ORANJESTAD, ARUBA – Aruba Bank Management Board a aproba AWG.50,000.00 di sponsorship pa e projecto Cas Speransa 2017. E projecto Cas di Speransa ta un iniciativa cu ta alinia cu  Aruba Bank su brand pillar We Care. Esaki ta encera cu nos ta sigi honra e rol di sostenedor comunitario cu Aruba Bank a empeña pa mas di 90 aña y nos ta hasi esaki cu e sostenibilidad di nos pais den projectonan.

E projecto en particular aki ta fit den nos esfuerzonan di mercadeo tambe, caminda nos ta inclui entre otro e sosten y aporte na causanan y eventonan como parti di nos obligacionnan como miembro di nos comunidad y tambe cu ta toca nos hendenan y ta contribui na e bienestar di nan y di nos economia. Cas Speransa ta relaciona directamente tambe cu nos conocido esfuerzonan pa promove bienestar fisico y mental di miembronan den nos comunidad.

E projecto ta un ehempel di con mundo di negoshi y sociedad en general ta uni cu otro na un manera natural. Ademas Hope Aruba Fundacion Restuaracion y Global Teen Challenge tambe ta maneha y combina e esfuerzo unico aki cu un plan economicamente sostenibel y viabel hunto cu  (Cunucu di Jimmy), cual nos banco ta sostene financieramente tambe.

Aruba Bank ta contento di por sostene e iniciadornan di e bunita labor aki, Sra. Malmberg cu ta un cliente di hopi tempo di Aruba Bank, y e ekipo completo cu e ta traha cune. Nos ta desea tur, en especial e clientenan di e centro nobo, tur cos bon cu e oportunidad unico aki cu Cas Speransa ta brinda esunnan cu mas mester di dje den nos comunidad.