Home Uncategorized United Nations Development Programme (UNDP) presente e siman aki na Aruba Planificando...

United Nations Development Programme (UNDP) presente e siman aki na Aruba Planificando mapa di implementacion di Metanan Mundial pa Desaroyo Sostenibel na Aruba

SHARE

ORANJESTAD – Comision ‘Sustainable Development Goals’ (SDG) ta invita tur interesado pa atende e ‘United Nations Sustainable Development Goals Planning Mission’, pa asina forma parti di e proceso di implementacion di e Metanan Mundial pa Desaroyo Sostenibel (SDG) di Nacionnan Uni na Aruba.

Interesadonan ta bon bini pa experiencia y atende varios sesion cuminsando di 1.30 pa 4.30 di atardi, dialuna 15 di mei na Alhambra Ballroom, sigui pa un evento pa publico en general diahuebs 18 di mei di 6or pa 8or di anochi na Renaissance Convention Center.

E “Sustainable Development Goals Planning Mission” di Nacionnan Uni ta tuma luga entre dialuna, 15 di mei y diabierna 19 di mei unda lo tin diferente sesion mas intensivo y involucra. E sesionnan aki lo contene temanan concerni cu Aruba su economia, bida social y nos medio ambiente.

Representantenan di e Nacionnan Uni a expresa varios biaha nan admiracion cu e vision di e Gobierno di Aruba. E vision ta pa crea un sociedad sostenibel y prosperidad comparti. Pa e motibo aki, Nacionnan Uni ta mira Aruba como un bon ehempel pa otro nacionnan. Ta p’esey nan ta creando lasonan fuerte cu Gobierno di Aruba pa implementacion di e Metanan pa Desaroyo Sostenibel na Aruba.

E obhetivo di e ‘UN Sustainable Development Goals Planning Mission’ ta pa yuda crea un ‘roadmap’ pa asina Aruba por yega na e Metanan Mundial mas lihe y miho cu ta posibel, cu accionnan realistico y innovativo.

MAPS ta e sistema cu e Programa di Nacionnan Uni pa Desaroyo (UNDP) a crea pa sigura cu e implementacion y progreso di e SDGs ta wordo logra na tempo y den bon forma. E MAPS team ta consisti di 6 miembro cu ta inclui sr. Marcel Alers, sr. Emery Kenroy Roach, sra. DevikaIyer, sr. Massimillano Riva, sr. Ivan Gonzalez de Alba y sr. Richard Blewitt.

Pa mas informacion por email sdgaruba@kabinet.aw of sigui SDG Aruba riba Facebook.