Home Uncategorized Ministerio Publico ta informa: “Tussenpersoon deteni den investigacion penal di minister Croes”

Ministerio Publico ta informa: “Tussenpersoon deteni den investigacion penal di minister Croes”

SHARE

Awe a detene e tussenpersoon J.F. riba sospecho di actieve ambtelijke omkoping den e investigacion penal “Ibis”, den cual entre otro, minister Paul Croes ta wordo sospecha di corupcion (ambtelijke corruptie), maluso di function y traficacion di hende. J.F. ta traha como tramitador di permiso.

Tramitadornan di permiso ta personanan cu tin como profesion of cu tin un compania cu ta intermedia pa stranheronan ora di pidi permisonan di estadia. Nan ta cobra pa esaki.

J.F. ta wordo sospecha di (entre otro) a paga minister Paul Croes, y en cambio e minister a supuestamente percura pa clientenan di J.F. haya ontheffing di e arbeidsmarkttoets, cu ta algo cu ta cay bao DPL.

E arbeidsmarkttoets ta prescribi legalmente en principio, prome cu por duna un stranhero un permiso di estadia cu permiso di traha na Aruba, y tin como intencion cu trahadornan local ta wordo selecta pa funcionnan nobo prome cu stranheronan. Dor di duna un ontheffing, e toets aki ta wordo salta.

Investigacion a mustra cu den e añanan anterior minister Paul Croes a otorga cientos di ontheffing.

E team cu ta haci e investigacion Ibis (un combinacion di recherchenan di Landsrecherche, RST y Cuerpo Policial di Aruba) no a sinta keto desde e huiszoekingnan di 28 maart ultimo. Den e ultimo periodo hopi testigo y sospechoso a wordo scucha y a wordo haci investigacion di documentonan y computernan.

E investigacion a hiba na e momento aki na detencion di J.F., cu lo wordo interoga tocante su involvimento den e periodo venidero y ta den tur beperking.

E investigacion lo continua y den e periodo nos dilanti lo sigui mas detencion.