Home Uncategorized Venezolanonan residencia na Aruba, a demostra nan solidaridad cu nan paisanonan, cu...

Venezolanonan residencia na Aruba, a demostra nan solidaridad cu nan paisanonan, cu ta pasando momentonan dificil

SHARE

Oranjestad, Paardenbaaistraat – Dialuna mainta esnan traficando altura di Consulado di Venezuela, un grupo para otro banda di caminda.
Esnan presente, Venezolanonan residencia aki na Aruba.

Varios di nan cu petchi di nan pais y tambe nan bandera.
Nan meta tawata, pa nan mensaje yega tambe y mas cu claro mustra nan solidaridad cu esnan na Venezuela, cu tur dia ta subi caya, sin sa si nan lo yega cas bibo.

Demostracionnan contra Presidente Maduro a cuminsa den April, si no ta bon den cuminsamento.
Studiantenan y señoranan y hasta ancionan a subi caya, indicando cu nan no por mas.

Poco poco e demostracionnan a bira mas y mas violento, caminda polis y Guardia Nacional Bolivariana, a cuminsa usa gas lacrimogeno y tambe rubber bullets pa trata na core cu esnan cu tawata manifesta.
Ora cu nan a wak cu e studiantenan tin e demostracionnan bon orkestra y den serio, a cuminsa na usa bala di berdad.

Asina tambe ariba rednan social por a cuminsa wak studiantenan cu tawata ser mata, cu tiro den cabes of den pecho.
Negoshinan tawata ser kibra y tur hwnde hende tawata drenta y bay cu tur cos cu nan por haya.

Aki nan Aruba, tambe na un manera esnan bibando ariba e isla, kier uni na esnan cu ta lucha aya pa un Venezuela miho y un Venezuela liber.

Despues di algo mas cu un ora di a grita y canta e himno di Venezuela, esnan presente a bandona e sitio pasivamente. Nos por a nota presencia di polis cu no mester a actua, paso tur cos a anda. Na final nan a gradici e agentenan pa nan presencia.

E edificio di Consulado e momento ey tawata cera, pues niun hende a presenta pa traha e mainta ey.
Durante fin di siman e noticia a core rond cu lo bay para dilanti e Consulado y casi sigur esaki lo a yega tambe na nan oido y a evita di yega trabou.