Home Uncategorized Jacky van Putten, POR Mantene facilidadnan deportivo prome cu traha otro!

Jacky van Putten, POR Mantene facilidadnan deportivo prome cu traha otro!

SHARE
????????????????????????????????????

Pa por eherce un deporte corectamente e facildadnan ta di suma importancia pa e atleta. Mester reconoce  cu hopi a wordo inverti den crea diferente facilidad pa deporte di calidad. Masha hopi placa destina pa deporte a bay den e inversionnan aki. Den pasado tampe hopi a wordo haci pa illumina diferente canchanan di bala, pero depues cu a crea e facilidadnan aki nos gobernantenan a lubida cu mester mantene nan tambe . Asina nos por a mira diferente luznan no ta traha mas y den cay abou  mientras tur e facilidadnan mester mantenimiento urgente. POR ta sali di e punto di bista cu mester crea un infrastructura na unda mantenimiento y maneho di e lugarnan aki ta bay hunto . Mester structura y separa placa di e presupuesto di deporte pa asina e inversionnan aki no bay perdi.

Un di e problemanan mas grandi cu deporte semper ta confronta cu ne ta ora gobiernonan cambia e continuidad den maneho ta bay perdi. Ta manera ora un gobierno nobo sinta nan ta lubida cu placa di pueblo a wordo inverti den e facilidadnan aki, aunke door di otro gobierno . E consecuencia lamentabel ta cu manehonan ta wordo cambia, of mihor dicho neglisha lubidando loke ya nos tin. Asina cada bes e deporte Arubiano ta sufri pa falta di vision a largo plaso. Esaki mi por a mira cada bes cu gobierno cambia, trahando 34 aña den gobierno den e departamento di deporte  ,IDEFRE/IBiSA.

Ta di suma importancia pa pone full atencion riba e condicion di nos facilidadnan existente. Mester inventarisa e condicion financiero di nos deporte prome cu cuminsa anuncia mas proyecto miyonario sabiendo cu esnan cu nos tin awor ta cayendo den otro pa falta di maneho y placa. Esaki ta iresponsabel y simplemente destruccion di capital. Nos mester cu urgencia drecha, upgrate nos facilidadnan deportivo prome y haci nan accesibel pa nos scolnan , federacion y publico deportivo  na un costo subsidia pa lotto. E facilidadnan mester bira multi uso na unda lo  brinda e posibilidad pa pratica diferente deporte.

Mester bin cu un maneho na unda mester reserva fondonan pa mantene e facilidad deportivo nobo y existente. Si ta bay presta pa inverti den proyectonan nobo mester mara e inversion aki tambe cu un capital pa mantene e facilidad.

Gobiernonan tin e custumber pa  core inverti den edificionan nobo, pero ta lubida cu mester mantene e facilidadnan aki . Cada bes cu  inverti den facilidadnan nobo  esaki ta bay a costo di e placa cu nos mester pa inverti den e maneho di deporte. Deporte na Aruba na e momento aki no ta sufri pa falta di facilidad sino falta di maneho. E idea cu cada bes mester demostra cu construccion ta e maneho mester stop. Ta importante pa sinta y  desaroya un plan a largo plazo cu tur e partnernan di deporte. Mester concentra bek riba e recurso humano, e deportista y con nos miho por uza e recursonan pa mehora nos deporte. Mantencion mester wordo separa di maneho di deporte, e mester bira un organo independiente cu su unico tarea ta percura cu nos facilidadnan ta optimal y sigur pa uzo di nos deportistanan. Den e organo aki no tin mag di tin ningun miembro c u ta liga cu otro funcion deportivo. Tur advies di contrato di mantenimiento y construccion lo ta mara na e organo independiente aki. Esaki lo percura cu ningun friends and family ta haya contratonan favorabel y sin destaho publico, pero mas cu tur evita e tantisimo escandalonan rond di lotto y deporte. E organo aki lo ta forma door di expertonan den construccion . E organo independiente aki mester presupuesta loke e costo di mantene tur e facilidadnan aki ta pa aña y lotto y gobierno mester percura cu e placa aki tey.