Home Uncategorized Galaxy S8 tin un “infinity display” impactante, servicionan conecta y un ‘interface’...

Galaxy S8 tin un “infinity display” impactante, servicionan conecta y un ‘interface’ inteligente Digicel Aruba ta lansa Samsung Galaxy S8 y Galaxy S8+

SHARE

Obtentibel desde awe den tur tienda di Digicel

ORANJESTAD, Aruba – 15 di mei 2017: Awe Digicel ta lansa e ultimo, e “smartphone” mas innovativo cu ta forma parti di e linea espectacular di Samsung Galaxy, esta e Galaxy S8 y Galaxy S8+. E smarphonenan aki ta pusha e fronteranan di e celularnan tradicional cu nan diseño di ‘hardware’ sin igual y un variedad di servicio nobo.

 

Cu introduccion di un cantidad di servicio y apps como tambe un pantaya Infinito espectacular pa un miho experiencia di uzo, Galaxy S8 ta presenta un nivel nobo di funcionalidad y conviniencia, habriendo un galaxia di posibilidad.

 

Pantaya

Samsung Galaxy S8 ta considera e miho celular cu Samsung a yega di traha – asina mes! Cu un diseño completamente nobo for di paden, cuminsando cu e “Pantaya Infinito” y diseño sin “rand” cu ta forma un superficie continuo y lizo, sin boton ni randnan fuerte. E resultado ta un experiencia di uzo impactante, sin distraccion cu ta haci “multi-tasking” mas conveniente. Galaxy Samsung S8 su diseño compacto ta haci posibel uzo cu un man confortabel y ta bin cu Corning Gorilla Glass 5 riba tanto e parti dilanti como e parti patras pa durabilidad.

 

Siguridad

Cu tecnologia digital y mobil creciendo na un paso rapido, a bira manera masha sumamente importante pa ofrece un nivel halto di siguridad y privacidad den telefon celular, como cu ta warda, comparti y tin acceso na un cantidad enorme di data personal y di negoshi riba aparatonan mobil. E Galaxy S8 tin e nivel di mas halto disponibel riba mercado actualmente! E ta inclui un scanner pa cara cu ta reconoce e iris di wowo di e doño, un scanner pa “fingerprint”, un “pattern pad” y capacidad pa password y pin, cu ta duna e usuario opcionnan di siguridad maximo basa riba nan preferencia. Cu esaki, pa “unlock” e Galaxy S8 y tur su funcionnan ta simpel manera bira “hello Bixby”.

 

Introduciendo Bixby

Cu e idea pa crea un relacion cu no por kibra entre e telefon celular y su usuario, unda cu e telefon ta compronde su usuario mescos cu e usuario ta compronde su telefon, Samsung ta lansa su assistent sabi nobo, Bixby. E ta papia, mira, scucha y ta permiti usuarionan pa haci tur cos riba e telefon cu nan bos – revolucionando asina e interaccion completamente entre e usuario y su celular. Un di e habilidadnan principal ta Bixby vision, cu ta identifica cualkier cos cu e camara ta dirigi na dje, sea ta un edificio, un imagen, un obheto, of hasta un persona.

 

Peter Rampling, Digicel Group Chief Commercial Officer, a laga sa “Kico clientenan ta buscando den un telefon? Diseño elegante, funcionalidad super rapido, calidad di camara impactante, resolucion HD, berdad? Wel, Galaxy S8 ta provee tur esaki y mucho mas”. E ta agrega “Locual ta hasta mas bon di e telefon ta su compatibilidad cu nos red super rapido LTE. Nos tabata den proceso di mehora nos red pa futuro pa ofrece conectividad mas rapido y mas confiabel den Caribe y e region di Centro America y cu e celular aki, clientenan por conecta cu amigo y famia den un habri y cera di wowo.”

 

“Samsung Galaxy S8 ta introduci un era nobo di diseño di smartphone y servicionan nobo fantastico, habriendo caminda pa un experiencia mundial,” Jorge Lopez, Gerente di Benta Regional di Samsung Electronics a bisa. “Galaxy S8 ta nos prueba pa recupera bo confiansa dor di redefini loke ta posibel den siguridad y ta marca un logro importante den e legado di Samsung den e industria di smartphone.”

 

Dia 11 di mei ultimo a lansa e modelo aki pa clientenan di Digicel na Jamaica y awor desde dialuna dia 15 di mei, Samsung Galaxy S8 y S8+ ta disponibel den tiendanan di Digicel Aruba.