Home Uncategorized Esmeralda Hernandez-Geerman a cumpli 40 aña trahando cu MetaCorp

Esmeralda Hernandez-Geerman a cumpli 40 aña trahando cu MetaCorp

SHARE

ORANJESTAD, Aruba – 10 di Mei 2017: Durante luna di Mei, MetaCorp a celebra 40 aña di aniversario di Esmeralda Hernandez-Geerman , kende a demostra durante tur e añanan aki su lealtad y dedicacion cu e compania. A celebra e añanan di servicio hunto cu famia y coleganan di Esmeralda Hernandez-Geerman den un ambiente dushi y agradabel.

 

Esmeralda Hernandez-Geerman a cuminsa traha cu MetaCorp dia 1 di Mei 1977 den e departamento di contabilidad. Esmeralda Hernandez-Geerman a demostra su capacidad den su trabou y poco poco a sigui crece. El a bay den e funcion di payroll master na MetaCorp y subsidiarionan ATCO, The Cinemas y Tropical Bottling. Na 1989 el a haya e encargo di handle e administracion di MetaFund unda cu el a sigui demostra su responsabilidad y capacidad. Esmeralda Hernandez-Geerman ta un persona cu gusta su trabou y esey a pone cu na 2008 un biaha mas el a crece den su trabou y a promove pa Senior Compliance Officer den e departamento di Internal Audit.

 

“Kico mi por bisa di Esmeralda? E ta un bon colega, un bon empleado, nos por acerca su persona pa papia y confia den dje”, asina Presidente di MetaCorp, Eduardo de Veer, a expresa. Esmeralda Hernandez-Geerman tin un trayecto ehemplar cu MetaCorp y e ta un colega hopi keri. No solamente pa con e ta traha, pero tambe pasobra e ta un persona amabel y ta cla pa yuda. E ta un persona cu semper ta saca cara di MetaCorp durante actividadnan di MetaFit y e ta un deportista ferviente.

 

Aparte di ta un deportista, e gusta musica y e tin talento pa esaki tambe. Esmeralda Hernandez-Geerman ta toca guitara y cuarta, pero tambe e ta canta. E coleganan tin palabranan bunita so di bisa di Esmeralda y nan ta haya cu e ta un persona leal, disciplina y discreto. Tambe nan ta haya cu e ta un persona agradabel pa traha cun’e.

 

Gerencia di MetaCorp ta contento cu e prestacion di Esmeralda Hernandez-Geerman, cu ta un empleado cu nan por conta cun’e y ta haciendo esaki pa 40 aña largo. Esmeralda Hernandez-Geerman ta un empleado cu trahadonan nobo por mira y siña di dje. MetaCorp ta gradici Esmeralda pa su dedicacion y experiencia cu e ta comparti cu tur hende den e compania y ta sumamente orguyoso cu e ta forma parti di e team dinamico di MetaCorp.

 

 

Un tiki di e historia di MetaCorp:

MetaCorp ta existi desde aña 1920 caba den negoshi di cine. Cu apertura di Lago a cuminsa cu E. De Veer Transport cu awendia yama ATCO cu despues a expande tambe den ATCO Concrete Products y Ecotech. Despues di segunda guera mundial a cumpra e planta di Coca Cola y asina a inicia Tropical Bottling, cu na caminda a expande tambe den Brouwerij Nacional Balashi.

 

MetaCorp ta e empresa comercial mas bieu na Aruba y pronto ta cumpli 100 aña. Cu un fundeshi solido, cu un cultura di compania basa riba principionan di inversionnan duradero y kere den empleadonan, MetaCorp awendia ta cla pa e siguiente 100 añanan di progreso, cu talentonan manera Eddie de Veer, Robert Carrasquero y Guus Slabbekoorn na cabes di e compania.