Home Uncategorized Auto marca Chevrolet ta pega candela den garage, causando hopi daño

Auto marca Chevrolet ta pega candela den garage, causando hopi daño

SHARE

Paradera – Dialuna mey anochi alarma a wordo bati pa un auto cu lo tawata na candela y esaki sea tawata den un garage of cura di cas.
Adres tawata un cas na Paradera.

Mes ora un patruya a sali cu urgencia pa e adres y na su yegada ta topa cu e auto na candela y tambe cu e candela ta bezig pegando e cas tambe na candela. Polis e momento ey a haya notificacion, cu lo tin hende den e cas, caminda cu nan a actua mes ora y berdad tawata tin dos persona. Nan tawata ok, pero asina mes a opta pa un ambulance por bin y controlanan.

A pidi brandweer cu urgencia, caminda cu den un tempo hopi lihe brandweer ta yega na e adres, caminda mes ora a bay den accion.

Ta asina cu ta un auto marca Chevrolet aparentemente nobo, lo a pega candela causando un daño grandi na e cas y tambe cas di bisiña.
Ambulance a presenta pa controla e personanan cu polis a logra saca.

Recherche y departamento tecnico a keda di pasa durante dia pa wak si tin cosnan cu no ta cuadra.