Home Uncategorized Tres criatura haya ariba caya, lastrando tas y coy hunga, nan a...

Tres criatura haya ariba caya, lastrando tas y coy hunga, nan a mama no kiernan mas den cas

SHARE

Rooi Afo – Diasabra mainta pa mas o menos 8:30 polis ta wordo notifica di un caso hopi tristo y na e mes un momento condenabel.

Tawata ariba e caminda di Rooi Afo pa Paradera, algun persona atento a wak tres criatura, cu varios tas y tambe un beer di hunga ta cana direccion nort. Dos tawata sin sapato.

E caminda di Rooi Afo pa Paradera, caminda a haya e tres criaturanan.

E criaturanan dos mucha muhe y un mucha homber chikito, e mucha homber posiblemente 4 aña y e otronan no ta pasa 9aña.

Loke por a nota mes ora cu algo no ta cuadra, e criaturanan kier a core bay pero nan a papia nan, pa asina polis por yega.

Un dolor inmenso, por a wak ariba nan cara momento cu e mucha homber a cuminsa yora di miedo, e ta logico mirando cu nan no conoce e personanan cu a para nan cu bon intencion, esta pa yuda nan y wak kiko a pasa.

 

Personan cu a haya e criaturanan y a notifica polis

Informacionnan cu nos a logra haya ta bisa cu nan mama lo a yega cas burachi den e oranan di mainta y muy probablemente  lo no tawata kier e criaturanan mas den cas y a core nan.

Aki nos por wak cu e tres criaturanan lo a pasa henter anochi sin supervision di un mayor.

Un scenario hopi tristo, cu lo touch cualkier tata of mama, ora bo wak un mucha homber di mas o menos 4aña y su dos rumannan muhe tur menor di edad, lastrando nan pertencianan, paso nan mama no kiernan mas den cas.

Tur a wordo hiba warda pa asina busca un solucion rapido pa nan y mas cu claro atende cu e mama.