Home Uncategorized Brote di e virus Ebola na Republica Democratico di Congo

Brote di e virus Ebola na Republica Democratico di Congo

SHARE

KINSHASA, Republica Democratico di Congo – Na Congo tin un brote di e virus mortal Ebola.  Sigur tres persona a fayece caba despues di a wordo contagia cu e virus di Ebola. Esaki e ministerio di Salubridad di Congo y e organisacion mundial di Salud a informa.

E malesa a keda confirma despues di a eherce un test riba 9 persona, kende nan a duna di conoce cu nan ta malo di un infeccion viral.

Tur e 9 personanan aki ta residencia den e parti Nort Este di e Provincia Bas-Uele. Tres persona a fayece caba a consecuencia di keintura halto cu ta un di e sintoma di e virus di Ebola.

E Ministerio di Salubridad di Congo a duna di conoce di ta hopi precupa cu e brote di Ebola cu nan ta wordo confronta cu ne, mirando cu e por ocaciona un crisis international den salubridad.

Un vocero di World Health Organization a bisa cu e brote ta aparece mas den e areanan bandona. E vocero a enfatisa cu e infeccion ta algo cu mester wordo tuma hopi na serio.

 Esaki ta e di ocho brote di ebola den historia di e pais. E malesa viral mortal aki a wordo descubri pa prome biaha den e mondinan tropical na anja 1976 y ta carga e mesun nomber di e Riu cu ta pasa den cercania di e mondinan unda a descubri e virus mortal aki.
Na 2014, 42 persona cu a wordo contagia cu e virus mortal a fayece na Congo. Na e mesun  momento e virus a mata 113.000 persona na Guinea, Sierra Leone y Liberia.