MINYA, Egypte – Recientemente archeologonan a descubri 17 momia, den un tumba di siglonan bieu, mayoria di e momianan tabata intacto. E tumba den cual nan a wordo haya, ta situa den cercania di e cuidad di Minya, un 250 kilometer zuid di Caïro. Awe mainta e Ministerio di antiguedad a publica e noticia aki.
E tumba a wordo descubri aña pasa door di studiantenan di Universidad di Caïro, e studiantenan tabata buskando cu un radar pa restonan di civilisacion antiguo y a bin descubri esaki.
E tumba tabata mas o menos 8 meter bou di tera. Ainda no por bisa cu seguridad ta di cua periodo e momianan aki ta trata, pero si ta sopone cu mester ta trata di e periodo di Grieco Romano.
