Home Uncategorized Dama Irlandes ta haya 10.5 mil Euro di daño di perhuicio for...

Dama Irlandes ta haya 10.5 mil Euro di daño di perhuicio for di Ryanair

SHARE

KILMIHIL, Ierland – Un dama Irlandes di 27 aña a haya 10,500 euro di daño di perhuicio, despues cu awa cayente pa thee a basha riba dje durante vuelo.

Segun e dama, e stewardess no a cera e tapa di e kopie bon y na momento cu ela bay tuma e kopie for di e stewardess, e awa cayente a cay riba dje, cu consecuencia cu ela kima su barica y parti ariba di su pia.

E dama tabata viahando di Praag pa Dublin y a conta cu despues cu ela kima cu e awa cayente ela keda un ora y mey den baño di e avion, cu dolornan fuerte.

E dama a entama un  caso contra e compania di aviacion irlandes Ryanair y a logra haya 10 mil euro como daño di perhucio.

RyanAir a reaciona bisando, cu e tripulante di cabina ta bon entrena y sa bon con pa atende cu bebidanan cayente y tambe cu den e ultimo 10 añanan, nan no a experiencia niun tipo di incidente asina.