Home Uncategorized Posibel caso di secuestro, autoridadnan ta na cas di comerciante conoci na...

Posibel caso di secuestro, autoridadnan ta na cas di comerciante conoci na Nuñe

SHARE

Nuñe – Diahuebs merdia informacion a cuminsa circula di un caso di secuestro.

Algun rato despues ta bira un poco mas cla, cu lo ta trata di un comerciante di Fam Mansur.

Na e cas di e comerciante, nos por a wak basta recherche y tambe departamento tecnico di polis.
Na e sitio nos a wordo informa cu ta trata di un caso bastante serio y cu e ta den pleno desaroyo.
Esaki tawata algo prome cu 2’or di merdia.

Ta wordo bisa cu e comerciante di Fam Mansur lo a wordo secuestra, pero te ainda no ta mucho cla si esaki a sosode saliendo for di su residencia na Nuñe of manera ta ser papia na Colombia. Departamento tecnico cu recherchenan di Noord ta buscando algo den e cas.

Pues manera nos haya mas informacion di e caso aki, nos lo trece dilanti.

Na e momento nan aki e investigacion a start y den e oranan nos dilanti nos ta spera di haya mas informacion di parti autoridadnan competente cu ta na e sitio.