Home Uncategorized Plataforma E Forsa Nobo (POR): Personanan cu limitacion lo ta inclui como...

Plataforma E Forsa Nobo (POR): Personanan cu limitacion lo ta inclui como prioridad den oferta na comunidad

SHARE

Den fin di siman lider di partido Pueblo Orguyoso y Respeta (POR) Otmar Oduber hunto cu su famia tabatin e honor di bishita Cas di Cultura pa un presentacion di e fundacion “Sea Bunita Sea Bo Mes”. E fundacion ta representa educacion, inclusion y integracion pa nos muchanan special.

‘E tabata un show cu ta mustra e bunita di e personanan den e caso aki cu down syndrome. Tambe sigur e forma educativo cu nos por a presencia un biaha mas un otro orador special cu a trece diferente puntonan dilanti pa trece concientisacion riba e grupo di personanan aki na Aruba. Mi kier a gradici e fundacion pa e tremendo presentacion. Hopi biaha mi ta bin den contacto cu e fenomeno di autismo y diferente otro sindromenan cu tin den nos comunidad. Particularmente bou nos hobennan, nos a mira cu ultimo añanan tin hopi mas ta bin na superficie.’

Pa loke ta trata personanan cu ‘down syndrome’ e presentacion a wordo treci dilanti na un forma hopi bunita. Hunto cu e plan cu POR tin pa trata e diferente puntonan cu ta toca e bida cotidiano di cada un ciudadano, e grupo aki tambe ta wordo inclui den tur e aspectonan aki, Sr. Oduber a enfatisa. Sea ta den aspecto di deporte, labor, salubridad, enseñansa entre otro, mi ta spera y ta encurasha tur partido politico pa sigura pa por inclui nan y corda cu nan ta forma parti di comunidad. Pues nan tambe mester forma parti di un propuesta cu tin na comunidad cu ta enfoca riba nan inclusion den nos sociedad. No por hala nan un banda pa nan sinti diferente. Mester percura cu nan por haya un trabou mañan y cu nan por contribui tambe na hiba nos pais dilanti.