Home Uncategorized Otto Alleyne a celebra 25 aña trahando na Post Aruba N.V.

Otto Alleyne a celebra 25 aña trahando na Post Aruba N.V.

SHARE

ORANJESTAD, Aruba –  Dia 21 di April ultimo Post Aruba N.V. tabata di fiesta ora cu a celebra e 25 aña di aniversario di Otto Gregory Alleyne, kende a drenta den servicio di Post Aruba N.V. dia 21 di April 1992. Otto Alleyne a cuminsa como un ayudante di partido di carta y awendia su funcion partido di carta.

Otto Alleyne a celebra su aniversario hunto cu su coleganan pero tambe cu su famia, kendenan ta orguyoso di dje. Otto Alleyne ta un persona cu semper por conta riba dje y e tin un caracter hopi positivo. E ta un bon trahado y semper ta cla pa yuda. Nunca ta mira Otto Alleyne rabia, pero semper e ta jolly y ta percura pa pone tur hende hari y e ta un bon colega.

Hunto cu su famia y colega, Post Aruba N.V. a duna Otto un gradicimento pa su esfuersonan haci tur e añanan aki.

A funda e compania priva Post Aruba N.V. na aña 2005. Su oficina principal ta situa na J.E. Irausquin Plein # 9 na Oranjestad y tin 3 oficina adicional na Santa Cruz, Noord y San Nicolas. Post ta ofrece tur tipo di servicio, for di manda un envelop te post pakketten. Post Aruba N.V. ta conta cu 111 empleado, cu diariamente ta yega na 42 mil adres situa tur rond di nos isla. Mas cu djis un servicio, e empleadonan atento ta percura pa tanto comunidad como sector comercial por comunica cu otro. Pa mas informacion riba servicionan di Post Aruba, subi e website www.postaruba.com of check nan pagina riba Facebook.