Home Uncategorized MEP CRESIENDO CU PASONAN GRANDI Y E UNION DEN PARTIDO TA BISTO

MEP CRESIENDO CU PASONAN GRANDI Y E UNION DEN PARTIDO TA BISTO

SHARE

SANTA CRUZ — Partido MEP ta cresiendo cu pasonan grandi, manera por a mira fin di siman pasa den San Nicolas. Por a nota presencia di e candidatonan, y campañadornan campañando hunto den San Nicolas. Un grupo di como 100 persona, tur bisti na geel, cu musica y ambiente, a drenta cayanan di San Nicolas.
Por a compronde tambe cu e recepcion di cuidadanonan di e bario tabata hopi positivo.
San Nicolas ta cansa di promesanan falso, San Nicolas ta cansa di e intimidacion y amenasanan cu integrantenan di AVP ta eherse riba nan, San Nicolas kier e cambio!
Esnan cu a wordo entrevista a duna di conose cu e problema di costo di bida halto ta e problema principal. Tur cos a bira caro, y mas tristo, e prijsnan ta varia dfemasiado di un supermercado pa otro. Prijs di awa y coriente ta ni cos di papia mes! Demsiado halto.
Pesey MEP ta bin cu e solucion: amplia e canasta basico pa por controla e prijsnan di prome necesidad. Ora cu bo controla e prijsnan, comerciante no por hisa prijs pa loco mas.
Ademas, lo termina e contractnan di hedging pa asina duna pueblo e alivio den rebaho den prijs di coriente.
Den San Nicolas, e vision aki di MEP a cai den hopi bon tera. Esaki, combina cu e amabilidad di e candidatonan di MEP, a pone varios persona cambia nan preferencia politico. Ta obvio cu esaki ta bai ta un eleccion crucial, y ta hopi importante pa e mensahe yega den tur cas. Hendenan ya no ta bai cai mas pa e mentiranan y manipulacion di AVP.