Recientemente Parlamentario Xiomara Ruiz-Maduro den nomber di Partido MEP a bishita famia Geerman di Papilon pa asina honra sr. Bertrando Geerman cu un reconocemento di MEP pa tur e trabou y lucha incansabel cu sr. Bertrando a hiba banda di nos Lider inmortal Betico Croes. Den presencia di su señora, yuinan, nietonan y bisanieto, Xiomara a entrega e reconocemento cu palabra di gratitud pa tur locual sr. Bertrando a haci pa MEP y pa bienestar di Aruba.
