Home Uncategorized Kustwacht ta intercepta boto cu mucha abordo, zuid di Santana Di Cacho

Kustwacht ta intercepta boto cu mucha abordo, zuid di Santana Di Cacho

SHARE

Oranjestad – Diamars anochi den careda di 11’or Kustwacht ta intercepta un boto, cu tawata dilanti of yegando Santana di Cacho.

Abordo di e boto, 7 persona di cual un ta un mucha.
Mes ora e boto y esnan abordo a wordo hiba pa nan base.

Ariba tera, patruya di San Nicolas mes ora a wordo manda pa Colony, pa asina tene un control of miho bisa tira bista, pa wak si algun lo por a subi tera.

Manera ta conoci pa tur hende, situacion na pais Venezuela ta hopi serio y birando dia pa dia mas violento. Hopi morto a cay caba y prijsnan ta keda subi, pues poniendo un presion enorme ariba e pueblo.

Ariba medionan liga cu e gobierno di Maduro, por wak con nan ta pinta tur cos bon y ta bende e noticia cu e studiantenan ta e terroristanan, manera Presidente Maduro a yama nan.

Pues loke a pasa diamars anochi lo no ta e ultimo, hamber pobresa y e opresion di parti di e gobierno ta pone cu hendenan lo huy di nan pais pa un miho biba.