Home Uncategorized Minister Arthur Dowers a topa cu su votadonan pariba di brug

Minister Arthur Dowers a topa cu su votadonan pariba di brug

SHARE

ORANJESTAD, Aruba – 7 di mei 2017: For di diasabra mainta caba e ekipo di campaña di Partido AVP a sali bishita casnan di San Nicolas, contando cu presencia di entre otro Prome Minister Eman y Ministernan Sevinger, de Meza, Schwengle y tambe Minister Arthur Dowers. Meta di e bishitanan aki ta pa confirma e sosten di e partido na mando den e districto di San Nicolas, generalmente un di e areanan mas berde den resultado di eleccionnan den e ultimo decadanan.

Mr. Drs. Arthur Dowers a participa den eleccion pa prome biaha na aña 2001 y a conta cu 203 voto di confiansa. Den eleccion di aña 2005, despues di a sinta 4 aña den Parlamento, su votonan a subi te cu 858 y na aña 2009 e votonan a sigui crece te na 1281. Mester menciona cu despues di a goberna 4 aña den e funcion di Minister di Husticia y Enseñansa, e politico a resulta un di esunnan cu mas a crece den e ultimo eleccion di aña 2013, subiendo di 1281 te cu 2079 voto individual.

Su seriedad y integridad sin duda lo hib’e na un resultado aun mas grandi den e eleccion aki. E sosten di su votadonan ta grandi y cada dia mas y mas hende nobo ta yega pa uni na e famia grandi di AVP y cu sosten pa Arthur Dowers.