Home Uncategorized MEP: Tremendo fin di siman campañando den San Nicolas

MEP: Tremendo fin di siman campañando den San Nicolas

SHARE

Diasabra un grupo grandi di candidato y campañadornan di MEP a bishita algun bario di San Nicolas un biaha mas den un forma masal. Desde cu MEP a lansa apertura di Campaña 2017, nos candidatonan di Partido ta activo tur dia bishitando cas pa cas den tur bario na Aruba. Di e manera aki nos ta scucha loke ta biba den e pueblo.

Ciudadanonan di San Nicolas tambe ta pidi pa un cambio. Cada un persona cu nos a scucha kier un Aruba trankil atrobe manera antes. Tin habitantenan cu tin miedo di sali for di nan cas despues di oranan di atardi pa motibo di tanto atraco den e ultimo añanan.

Pa Partido MEP e preocupacion aki lo wordo atendi mesora cu nos ta den Gobierno. Nos lo trece orden y respet bek.

MEP su compromiso cu San Nicolas y Aruba en general ta pa pone e hende central atrobe. Hunto nos lo logra esaki. MEP lo ta drentando tur skina di Aruba cu nos mensahe di cambio. Sigui nos riba nos pagina di Facebook y keda informa tur dia di nos eventonan y plan di solucion pa Aruba. Aruba, Hunto p’e cambio!