Home Uncategorized Campaña pa sterilisa cachonan di caya na San Nicolas

Campaña pa sterilisa cachonan di caya na San Nicolas

SHARE

ORANJESTAD, Aruba –  Minister Ing. Mike de Meza a saca un man pa sostene United Dogs of Aruba Foundation, kende ta encabesando e esfuerso pa sterilisa cachonan di caya na Aruba. Den fin di siman a organisa e evento aki na San Nicolas unda a busca cachonan cu a haya riba caya y sterilisa nan pa evita cu nan ta sigui reproduci y haci e problema di cachonan bandona mas grandi ainda. Na momento cu e fundacion a acerca Minister Mike de Meza cu peticion pa ayudo, mesora a percura pa sostene y tambe a pone Carnival Village disponibel pa eynan trece e cachonan pa sterilisacion.  Den fin di siman a piki decenas di cacho di caya na San Nicolas y vecindario, pa cual Minister Ing. Mike de Meza a pasa personalmente pa saluda y gradici e fundacion hunto cu tur su boluntarionan pa e bon trabou cu nan ta desplegando.