Home Uncategorized Accidente di auto frontal ariba green corridor, ta laga tres persona herida...

Accidente di auto frontal ariba green corridor, ta laga tres persona herida atras

SHARE

Sero Tijshi – Diadomingo anochi 8:30 un accidente frontal ta sosode entre dos auto ariba e Sero Tijshi.
Altura di veld di Duracel.

Un Hyundai Matrix biniendo for di San Nicolas ta hala na su man robes y dal frontal contra un Mitsubushi Lancer bayendo San Nicolas.

Tres persona a resulta herida, di cual dos mester a wordo saca cu brandweer for di e Mitsubishi cu a bay cay den e buraco banda di caminda.
Tur tres persona envolvi tawata persona di edad poco halto.

Tres ambulance a presenta pa transporta tur e herido nan pa hospitaal.

Mester remarca cu caminda aki nan no tin iluminacion y e banda di caminda no tin suficiente luz pa indica cu tin buraco.