Home Uncategorized MEP: Partido MEP y HOT ta honra personanan den comunidad pa nan...

MEP: Partido MEP y HOT ta honra personanan den comunidad pa nan esfuerso y dedicacion Danki Rene Kock y Robert Jeandor

SHARE

Durante e anochi exitoso di Partido MEP na Compleho Deportivo Frans Figaroa na Noord, nos a reconoce esfuersonan di algun persona den nos comunidad.

E Hala Hubenil di Partido MEP, HOT, a reconoce sr Rene Kock. Sr. Kock tabata e ultimo persona cu a fungi como Presidente di HOT prome cu HOT a wordo reactiva aña pasa. Tambe e directiva di HOT di e tempo ey a keda reconoci. Jennifer Dirksz y Dylan Lacle a representa e directiva di HOT. Un pabien na Rene y e directiva di HOT.

Partido MEP tambe a reconoce Robert Jeandor y su Solo Banda Show pa e 25 aña ta entretene nos pueblo cu musica y alegria. Nos ta gradici y felicita Robert Jeandor pa e dedicacion cu e ta eherce na henter nos pueblo y ta desee hopi aña mas alegrando curazonnan di Aruba.