Home Uncategorized MEP: MIKE EMAN A MANDA HENDE BAI LANDSRECHERCHE PA DECLARA CONTRA PAUL...

MEP: MIKE EMAN A MANDA HENDE BAI LANDSRECHERCHE PA DECLARA CONTRA PAUL CROES

SHARE

Despues di e debate fuerte den Parlamento di Aruba poco poco e realidad di e caso di Paul Croes ta biniendo dilanti. Awor ta resulta cu Mike Eman mes lo a manda hende pa entrega keho contra Paul Croes. E acusacion serio aki a wordo lansa den Parlamento pa oposicion pa mas di un parlamentario, y Mike Eman no a contradesi esaki, indicando cu esaki ta berdad. En bes di esey Mike Eman a scohe di papia di klinker.

Esaki ta cuadra tambe cu e hecho cu apenas algun dia prome Mike Eman y Benny Sievinger a bai Hulanda, balia y gosa na Arubadag y reuni cu gobernantenan hulandes. Talves ta eynan e deal a wordo traha pa sacrifica Paul Croes y laga Benny Sievinger liber?Pasobra tur hende cu poco common sense sa cu ta imposibel pa bo colga Paul Croes y laga Benny Sievinger liber.

Benny Sievinger ta hinca den cosnan mucho mas oscuro cu Paul Croes, anto net e ta cana liber?
No ta pornada su dos ultimo bishitanan na Hulanda como acompañante di Paul Croes tabata.

PRUEBA PALPABLE
Durante e debate oposicion a presenta prueba palpable y a comparti esaki cu tur parlamentario pa nan mes wak. Ta trata di un comerciante, doño di car rental, cu a hasi un peticion pa ontheffing y pa permiso mesora dia 28 september 2016. El’a pidi pa trese un hende pa spuit auto, y otro pa saca deuk for exterior, pasobra rubianonan ta hende floho y no ta di confia.
E no ta entrega esaki na oficina di Paul Croes manera ley ta indica. No! E ta entrega esaki na oficina di Benny Sievinger dia 28 september 2016. E MESUN dia Benny Sievinge rta aproba e peticion pa ontheffing y permiso, siendo cu no ta e mester tuma decision prome. Ta Paul Croes mester aproba e peticion prome, y despues Benny Sievinger. Pero nan a bira asina haragan, cu ni procedura corecto nan ta aplica mas.
Paul Croes a haya e carta e mesun dia, pero a laga esaki drumi dos luna. Dia 15 di december 2016, Paul Croes a aprobe. Ken ta fout den e caso aki? Paul Croes ta fout pasobra el’a viola su propio maneho. Acaso bo kier bisa cu no tin ningun hende na Aruba cu por spuit auto? Of cu por saca deuk di auto? Bo sa cuanto hoben cu por hasi e trabou ey, ta cana rond sin trabou? Bo sa cuanto famia rubiano bo por a yuda? Pero bo a scohe pa laga un stranhero bin pa hasi e trabou, y laga e rubiano sin trabou!
Pero Benny Sievinger tambe ta fout! Pasobra ki mishi Benny ta acepta e peticion mes. E mester a mande pa Paul prome! Ki mishi Benny ta aprobe, prome cu Paul!
Anto bo kier bisami cu ainda Benny ta cana liber? Aki tras tin hopi mas cos scondi, y ta poco poco tur e puitonan ta sali di e macuto. Ta pesey Mike Eman tabata bira cora cora den parlamento cada biaha cu e ganja!