Home Uncategorized AA Installatie Groep Caribbean a inaugura su localidad nobo

AA Installatie Groep Caribbean a inaugura su localidad nobo

SHARE

ORANJESTAD, Aruba – Recientemente AA Installatie Groep Caribbean a celebra inauguracion di su localidad nobo na Aruba, situa na Balashi. Aki director general di e compania, Arie van Tienderen Jr, tabata feliz di por a sigui expande y a habri un localidad mas, pasobra na Boneiro nan ta activo caba. Na 1995 e tabatin e deseo di ta independiente y traha riba su mes y pa e motibo ey na 1996 el a cuminsa cu e compania AA Installatie Groep na Hulanda.

AA IG a inicia como un instalado di airco y sistema di refregiration y a traves di añanan a sa di bira instalado total di edificionan, sistema integra y di sector industrial. “Nos vision tabata pa mantene nos clientenan pa un periodo largo. E compania a cambia pa bira mas un compania di servicio y mantencion”, asina Arie van Tienderen Jr. a remarca.

Aworaki un 70% di e desaroyo di e compania na Hulanda ta haci servicio y mantencion di edificionan di utilidad. Na 2013 AA IG a firma un contract di servicio y mantencion cu e oficina complex mas grandi di La Guardia na Amsterdam. E clientenan principal di AA IG ta Real Estate Funds, Banco, Gobierno y tambe Real Estates manera DTZ, Cusman & Wakefield y CBRE.

Apart di e servicio y mantencion di companianan, aworaki nan proyectonan nobo y grandi ta pa e oficina principal di NETFLIX na Amsterdam, e oficina y laboratorionan Vertitas na Rotterdam y e oficina principal di Bookings.com na Amsterdam.

AA IG a sigui expande na Hulanda y poco poco a cuminsa tuma over algun compania. Na 2014 a tuma e compania Midden Holland Koeltechniek cu ta specialisa den aiconditioning y refregiration systems pa sectornan industrial, comercial y sector residencial.

Na 2015 a tuma over e compania NR Cooling cu ta fabrica y instala sistemanan comercial i industrial. Ehempel nan ta manera proyectonan pa yatenan di luho y concreet cooling pa entre otro e expansion di Panama Canal. NR cooling ta un compania cu ta haci proyectonan full rond di mundo.

AA IG tin mas di 100 trahado reparti na diferente localidad na Hulanda. “Awe nos kier haci nos siguiente paso, cu nos compania nobo na Aruba”, asina Arie van Tienderen Jr. a remarca.

E punto crucial pa nos por ta aki awe ta danki na e bon relacion cu señor Jan Boogaard cu nos partner Martijn ter Braak di Centercon “official distributor di LG Climate solutions”. Arie y Martijn tin mas cu 2 decada di bon relacion como business partners. “Mi ta admira Arie pa loke el a built up, un compania cu ta para pa calidad y servicio riba nivel mundial”, asina Martijn ter Braak a remarca.

AA IG ta e key partner di Centercon cu LG. “Pa start un compania bo mester di un producto i solucion di calidad!” Hunto cu Centercon nos a logra nos derechonan di ta distribuidor oficial pa Caribe. Cu esaki nos lo ta apto di no solamente stock, pero tambe di tin spare parts pa duna un e servicio i garantia. Nos tecniconan lo ta certifica pa LG training center pa duna nos clientenan e garantia maximo di nan inversion. Centercon y LG ta hopi contento di e logro aki cu lo nifica un suministro constante di productonan di HVAC cu posibilidad di refrigeration cu lo wordo agrega na nos stock.

Desde e proyectonan na Boneiro nos a trahando hunto cu Centercon pa instala diferente tipo di HVAC solutions pa nos clientenan. Proyectonan pa cliente manera Azul, pa e VRF systems pa Marriot Courtyard y BEM Boneiro pa e edificio di Zorg Verzekerings Kantoor (ZVK).

Despues di e proyectonan aki nos ta tin e orguyo di por a haya e oportunidad pa haci e instalacion di HVAC pa Cari Wolter di WTS pa nan kantoor nobo, situa na L.G. Smith Boulevard. Asina aki a inicia AA IGC Installatie Groep “Caribbean”. E compania aki tin su oficina na Aruba cu su staf local entre nan ingenieronan y tecniconan, capaz pa brinda tur servicio. E maneho diario ta bou di encargo di Ben Vrolijk como Area manager y Rosendo Leon como director financiero.

Jan Boogaard a corta e sinta pa asina oficialmente habri portanan di AA IGC. “Mi kier gradici Jan Boogaard pe inspiracion, sosten y conseho, pero tambe na su esposa Brenda pe hospitalidad”, asina Arie van Tienderen Jr. a bisa den su discurso. Tur invitado a disfruta di e anochi y ta tin oportunidad di gana un instalacion gratis di un LG Inverter door di a pone nan carchi di negoshi den un tombola cu tabata poni den e showroom.