Home Uncategorized MEP Y SU LIDER TA CRECIENDO CADA DIA MAS

MEP Y SU LIDER TA CRECIENDO CADA DIA MAS

SHARE
NOORD — Den un actividad completamente yen desde oranan trempan di atardi na compleho deportivo Frans Figaroa, partido MEP a lansa candidatonan nobo: Karel Jeandor, Roderich lopez y Arthur Vallejo. Den nan discursonan inaugural nan cada un a gradisi lider di partido Evelyn Wever-Croes pa a invita nan pa bira parti di e famia di MEP, y nan a gradisi e coleganan pa nan aceptacion.
Mas aun nan cada un a enfoca riba e dolornan den comunidad. Karel Jeandor a enfoca riba e necesidadnan di nos pensionadonan, of e grandinan clasico manera ela referi. Roderich Lopez a enfoca riba nos hobennan y nan necesidadnan. Y Arthur Vallejo a enfoca riba nos cuido di salud y e necesidad grandi pa mehora esaki y pa traha riba prevencion.
E acohida serca a publico tabata grandi y cu un entusiasmo nunca antes bisto, simpatisantenan di partido MEP a yama e candidadonan nobo bon bini.
Por a nota tambe cu e publico a sigi e discurso di lider di MEP Evelyn Wever-Croes cu hopi atencion.Evelyn a wordo introdusi e biaha aki pa colega Glenbert Croes ken a hasie na un forma espectacular, despues di un video di introduccion di yiu mas chikito di Evelyn. Glenbert a splica PAKIKO mester vota pa MEP y pa duna un hende muher e oportunidad pa lidera nos pais.
E simpatisantenan di MEP a bin pa scucha kiko ta e vision di MEP, y esey mes Evelyn a comparti cu nan, kiko ta e vision di MEP pa Aruba y pa Noord en especial.
Riba camindanan direccion pa Noord desde trempan trafico tabata congestiona cu autonan cu bandera y sticker di MEP, y por a nota claramente e efecto di e car rally organisa pa e hala hubenil HOT. Autonan decora cu blaas, peluche y bandera grandi a dorna nos cayanan.
Esaki ta otro prueba mas cu MEP ta creciendo bou di e liderasgo di Evelyn, na caminda pa eleccion dia 22 di september. Pabien MEP, y pabien Evelyn!