Home Uncategorized Kia Sportage ta bolter despues di persecusion, 5 persona den dje tawata...

Kia Sportage ta bolter despues di persecusion, 5 persona den dje tawata tira placa pafo di bentana.

SHARE

Palm beach – Dialuna mainta den careda di 8’or patruya ta topa cu un auto v-car hopi sospechoso para unda antes tawata Rat Land.
Aki un persecusion a cuminsa cu a bay caba pariba di rotonde di Hato.

E auto un suv ta bolter den e greppel, cu 5 persona den dje. Mes ora tur e polisnan cu tawata ariba caya a bay e sitio.

Hopi placa y tambe cellurar tira ariba Sasaki.

Mientras cu polisnan tawata nan tras, e agentenan tawata wak con nan tawata tira cellular y placa pafo di bentana. Esaki a pasa altura di Koyari y tambe na Bubali.
Polisnan mester a bay busca parti di e placa cu tawata wordo benta afo.

Ariba Sasaki a logra recupera 1 of mas cellular. No ta conoci si nan tawata tin arma di candela cu nan.

Segun nos tin entendi niun no ta local.
Ambulance a presenta y a atende cu algun na e sitio mes y otronan mester a haya tratamento medico. Despues di e tratamento nan a wordo encarcela, pendiente mas investigacion. Mas detencion lo bay cay den e oranan of dianan nos dilanti.

No ta mucho cla, si nan tambe tawata envolvi den e caso di asesinato na Jaburibari.

Imagennan di detencion haya for di Social Media.