Home Uncategorized Homber ta wordo asesina den su cas na Jaburibari, cu tiro den...

Homber ta wordo asesina den su cas na Jaburibari, cu tiro den cabes

SHARE

Jaburibari – Dialuna mainta ariba dia di obrero Aruba ta habri dia cu un caso di asesinato. Den careda di 5’or di marduga polisnan ta yega na un adres na Jaburubari, un di dos piso basta luhuso.

Un dama aparentemente lo ta esun cu a avisa polis via telefoon, e lo ta e persona cu a haya e victima.
Ariba di dos piso den un camber, nan ta haya un persona masculino sin bida. Asina ey manera polisnan a yega a constata cu enberdad un persona a wordo asesina, mes ora laga avisa tur autoridad competente.

E persona ariba vloer, segun informenan lo ta di origen Asiatico y no mucho biew di edad. E victica tawata tin un impacto di bala na cabes, aki ta caminda mes ora a bati alarma mirando cu ta trata di un caso di asesinato y tambe mas “cos” ilicito cu lo a haya den e cas.

E caya cu ta un caminda di tera cu ta bay pa e cas di dos piso a wordo cera.
For di e ora ey te laat den careda di 11’or di mainta investigacion a continua na e cas.

E caso oficialmente autoridad of esta Vocero policial no a manda un informe oficial, manera cu e divulga esaki.