Home Uncategorized E prome hotel “timeshare” pafo di Merca Minister Mike de Meza a...

E prome hotel “timeshare” pafo di Merca Minister Mike de Meza a asisti na celebracion di 40 aña di Aruba Beach Club

SHARE

ORANJESTAD, Aruba – Recientemente, Aruba Beach Club orguyosamente a celebra 40 aña di existencia riba nos isla. Tempo cu a construi’e, Aruba Beach Club tabata e di 8 hotel “timeshare” na mundo y e prome pafo di Merca! Awendia e hotel ta contene 85 empleado y como 3000 miembro. Aruba Beach Club ta sirbi huespednan cu ta bini tur aña Aruba for di tempo cu nan tabata mucha y awe ta sigui bin cu nan yiunan y nietonan.

Minister Ing. Mike de Meza encarga cu maneho di Turismo, Transporte, Energia y Medio Ambiente a atende e evento di celebracion y a topa eynan cu Cindy Martorella, kende ta Vice Presidente di e Hunta di Directiva di e hotel. Hunto cu e empleadonan a celebra e 40 añanan di existencia, di crecemento y di exito. Tambe a felicita e Gerente General di e hotel, Farida Mansur. Tambe tabata presente Raymond Maduro, kende tabata e visionario y a cuminsa cu e industria di “timesharing” na Aruba.

Durante e evento nan a honra Farida Fargo, e Laundry Manager, cu a cumpli no menos di 39 aña trahando sin interupcion cu e hotel.

Minister Ing. Mike de Meza a felicita tur e trahadonan y a celebra cu nan e logro aki. Pabien!