Home Uncategorized Cu compra di BigMac riba McHappy Day McDonald’s a recauda mas di...

Cu compra di BigMac riba McHappy Day McDonald’s a recauda mas di 10 mil florin pa Centro Man Na Obra

SHARE

ORANJESTAD, Aruba –Aña pasa na November McDonald’s tabata tin un McHappy Day y e meta di e dia aki tabata pa recauda fondo pa Centro Man Na Obra. Riba e dia aki cada benta di BigMac a bay pa donacion pe fundacion, pa asina yuda promove entrenamento pa trabou y integracion den comunidad di personanan di 16 aña p’ariba.

McDonald’s a recauda for di e benta di BigMac un total di 10.424,- florin pe fundacion Centro Man Na Obra. Diaranson McDonald’s a entrega e check na e fundacion, kende di su banda tabata contento di a ricibi esaki pa asina sigui traha riba nan proyecto di promove entrenamento pa trabou.

Participantenan di Centro Man Na Obra ta ricibi entrenamento di trabou pa prepara nan pa traha riba mercado laboral. E participantenan ta traha den grupo di carpinteria, trahamento y decoracion di obhetonan di klei, trahamento di bela, labamento di auto, labamento di boter, hardineria y strica paña. Banda di e entrenamento tecnico, ta dedica atencion tambe na e desaroyo di nan habilidad social.

Riba 18 di november 2016 comunidad a demostra nan apoyo na Centro Man Na Obra cu nan bishita na restaurantnan di McDonald’s y tabata pidi un BigMac. McDonald’s a conscientisa e comunidad pa e evento aki pa medio di e benta di “Helping Hands” of formanan di man traha di papel, cu tabata obtenibel pa solamente 1 florin, cual tabata bay pa sostene e mision di Centro Man Na Obra. McHappy Day ta un evento global cu ta genera anualmente miyones pa medio di restaurantnan di McDonald’s rond mundo pa obranan di caridad local

 Arcos Dorados ta e franchise mas grandi mundialmente di McDonald’s den termino di benta y cantidad di restaurant, operando e cadena di restaurantnan mas grandi di servicio lihe (QRS) den Latino America y Caribe. E tin derecho exclusivo di su mes opera y otorga restaurantnan di McDonald’s den 20 pais Latino Americano y Caribe y teritorio, incluyendo Argentina, Aruba, Brazil, Chile, Colombia, Costa Rica, Corsou, Ecuador, French Guyana, Guadeloupe, Martinique, Mexico, Panama, Peru, Puerto Rico, St. Croix, St. Thomas, Trinidad & Tobago, Uruguay y Venezuela.

E compania ta opera of ta un franchise di mas di 2.100 restaurant cu e nomber di McDonald’s cu mas di 90.000 empleado y ta reconoci como un di e miho compania pa traha den Latino America. Arcos Dorados ta comercialisa riba e New York Stock Exchange (NYSE: ARCO). Pa sa mas di e compania, por fabor bishita seccion Investors di nos website: www.arcosdorados.com/ir.