Home Uncategorized MEP: PARADERA TAMBE TA CLA P’E CAMBIO

MEP: PARADERA TAMBE TA CLA P’E CAMBIO

SHARE

PIEDRA PLAT – Den un sala Vale Croes completamente yen na Piedra Plat Entertainment, partido MEP a start cu su campaña den Paradera. Aki a reuni cu Lidernan di Bario y Campañadornan.
Presidente di Directiva di Paradera Chelito Dirksz a yama bon bini na tur esnan presente, y a pasa palabra na Lider di MEP Evelyn Wever-Croes ken a anuncia cu Xiomara Ruiz-Maduro lo ta esun cu lo campaña den Paradera. Xiomara Ruiz-Maduro ta biba den Paradera y ta esun indica pa hasi e trabou pa partido den Paradera, hunto cu Evelyn Wever-Croes. Naturalmente como lider Evelyn Wever-Croes lo campaña den tur disctricto, pero mirando cu el’a lanta den Paradera, e tambe lo dedica parti importante di su tempo den Paradera. Ainda Paradera lo haya mas candidato den e sigiente lunanan y e ora e team pa Paradera lo ta completo.
Mester bisa cu e animo ta hopi halto y cu Paradera tambe ta cla p’e cambio.