Home Uncategorized EVELYN WEVER-CROES (MEP): “HAVO/VWO DI NOORD LO A CONOSE SU PROME GRADUADONAN...

EVELYN WEVER-CROES (MEP): “HAVO/VWO DI NOORD LO A CONOSE SU PROME GRADUADONAN DI VWO E AÑA AKI”

SHARE
STA CRUZ –  Lider di MEP Evelyn Wever-Croes a duna di conose den conferencia di prensa di MEP cu si no tabata pa Mike Eman, e aña aki e scol HAVO/VWO na Noord lo a conose su prome graduadonan di HAVO of VWO.
“Na aña 2009 cu MEP a sali for di Gobierno e proyecto tabata cla. Mester a djis cuminsa construccion. E placa tabata disponible caba den fondo di FDA, y e plannan tabata traha.
Lamentablemente gobierno di Mike Eman a usa tur e placa cu tabata disponible pa e scol, y a hink’e den e proyecto di tram. Awe nos ta mira un proyecto di tram cu no tabata exitoso, y un scol cu nunca a wordo construi.
Si Mike Eman no a boycotia e proyecto di scol HAVO/VWO na Noord, lo e aña aki nos lo a conose e prome graduadonan di HAVO of VWO di e scol di Noord.
Nos ta lamenta profundamente cu esaki no por a bira realidad, y cu mas enfasis nos ta reitera nos compromiso cu e pueblo di Noord cu e scol aki lo bira un realidad una bes cu nos drenta gobierno e aña aki. Hunto nos lo logra e cambio, y hunto nos lo realisa e soño di e pueblo di Noord pa su scol MAVO/HAVO/VWO na Noord”