Home Uncategorized Tres persona cu pasa los tiro dilanti night club, tur a keda...

Tres persona cu pasa los tiro dilanti night club, tur a keda deteni na Sabana Liber

SHARE

Hot Zone- Sabana Liber

Diahuebs marduga pasa di di 5’or, polis ta wordo informa cu un auto a pasa los un of mas tiro altura di Olde Molen. Na yegada di polis nan ta wordo informa cu di e situacion.

Segun e bouncernan a conta polis ta cu nan lo a nenga dos persona entrada y esaki nan lo a rabia bastante.
Momento cu e auto Chevy a pasa los e tironan tawata tin agente na burger y eybanda.

Mes ora ela sigui e auto, cu tawata tin su luznan paga. E auto a bay direccion Sabana Liber, caminda un patruya a yega y a logra para e auto.

Den e auto tawata tin tres ocupante, dos a wordo deteni ey mes, mientras e di tres a baha core bay paden na e cas. Den auto polisnan ta haya basta municion, e arma mes segun nos por a compronde no a wordo haya.
Aparentemente e persona cu a core bay drenta e adres, lo a baha cu e arma.

A pidi pa un Sub-Fiscal, pa asina por drenta e cas situa na Sabana Liber. Polisnan tawata busca rond, pero no a haya e di tres persona.
Paden di e cas tambe a rista, pero tampoco a haya ni arma of e persona.

Mientras solo tawata saliendo e di tercer persona a bin bek na e sitio y lo a entrega su mes, caminda cu e autoridad a pone mes ora den boei.

Asina nos ta wak, cu ariba caya tin hopi arma di candela den man di personanan robes, cu lo por a causa un otro tragedia.