Home Uncategorized Segun relato oficial, atracadornan a agredi un dama y ta logra bay...

Segun relato oficial, atracadornan a agredi un dama y ta logra bay cu un suma grandi di placa

SHARE
Oranjestad, – Sra. Rasmijn, vocero suplente di Cuerpo Policial Aruba, a manda e siguiente relato pa informa riba e caso di e atraco riba supermercado Feng Hing na Morgenster.
“Awe diaranson anochi pa 8:50 central di polis ta haya un jamada cu un atraco a cabi tuma lugar na Feng Hing supermarket na morgenster. Patrouille di Sta Cruz a jega na e sitio y na unda e senjora chines ta conta cu un rato prome nan a wordo atraca door di dos mucha homber entre 16 pa 17 anja .
Tur dos ta tin cara tapa y un di nan ta tin un arma di candela. Nan a papia bon papiamento. Un ta tin sweater largo shinishi cu jeans bisti y e otro ta tin sweater blauw  cu jeans bisti y un petchi. Por a compronde tambe cu nan lo mester a dal e senjora cu algo na su cabez pero e no sa ta kiko. E dos atracadornan aki a hui na pia direcion pabao. Nan a bai cu e mas o menos afl 4000,- , caarchinan di telefoon , Iphone y Ipad. 
Atraco team a presenta pa asina sigi cu nan investigashon. Slachtofferhulp tambe a wordo pidi pa e senjora . 
Ken cu por a wak algo please jama e tiplijn di polis 11141.”