Home Uncategorized Ultimo siman pa haci ehercicio di 5 minuut na Mediq Botica Oduber

Ultimo siman pa haci ehercicio di 5 minuut na Mediq Botica Oduber

SHARE

ORANJESTAD, Aruba – E campaña di “Stay Fit – Pay Less” ta yegando su final pero ainda tin e oportunidad pa pasa na Mediq Botica Oduber pa haci ehercicio pa minuut. Durante e luna di April hopi cliente a bishita Mediq Botica Oduber pa haci 5 ehercicio den 5 minuut y despues nan tabata sigui haci compras y tabata haya descuento.

Instructor profesional Greg Williams ta cla pa sigui duna tipnan pa yuda clientenan ta mas saludabel. E instructor ta scoge 5 ehercicio y e cliente tin cu haci cada ehercicio den 1 minuut di tempo. E clientenan cu ta haciendo 5 minuut di ehercicio ta kima entre 200 y 500 caloria y esaki ta bon pe salud.

E cliente ta acumula 11.25 florin di cual 10 florin ta bay na e descuento di e cliente y e 1.25 ta bay como donacion pe Fundacion Celebro Vascular Aruba. Mediq Botica Oduber ta invita pueblo di Aruba pa pasa cerca nan y haci ehercicio pa 5 minuut.

Esaki ta e ultimo siman cu por haci ehercicio na Mediq Botica Oduber entre 11:00AM y 6:00PM, unda cu instructor Greg Williams t’ey pa haci ehercicio cu tur cliente. Boticanan Mediq, bo salud ta nos prioridad.