Home Uncategorized United Colors of Benetton, victima di kiebro y ladronicia, basta paña horta

United Colors of Benetton, victima di kiebro y ladronicia, basta paña horta

SHARE

Caya G.F. Betico Croes – Diamars marduga pa mas o menos 4:45 compania di seguridad ta haya notificacion di un motion detector a capta, esaki tawata den United Colors of Benetton den Caya G.F Betico Croes.

Na yegada por a constata cu un banda di porta di e negoshi a wordo destrui completamente. Pa a logra destrui e porta di glas, ladronnan a logra lanta e rolluik.

Paden nan ta pasa man pa un cantidad grandi di paña y ta bandona e sitio.

Mester remarca cu ambos banda di e negoshi aki tin security guards, pero lamentablemente niun no a mira of tende desordo.

Algun dia pasa, ladronnan a destrui glas di un negoshi di paña pa hende muhe na altura di rotonde Dadelstraat. Eynan tambe un cantidad grandi di shimis a wordo horta.