Home Uncategorized Ordo a bin di un caminda, pa laga Bar habri, tawata 8’or...

Ordo a bin di un caminda, pa laga Bar habri, tawata 8’or di mainta

SHARE

Driemasterstraat – Diadomingo mainta patruya di Playa a constata basta auto dilanti BaraBar, unda antes tawata United Dinner. Tambe lo por a scucha musica.

Mes ora a pidi pa mas patruya pa asina baha pa saca esnan paden y cera e luga.

Algun minuut despues. . .

Mientras varios otro patruya a yega y tawata cla para den posicion pa drenta e bar, informacion ta bolbe drenta pa laga tur cos.
Pues tur cos ta OK, e luga por keda habri 8’or di mainta y cu cantidad di auto su dilanti.

No ta conoci di unda den 1 pa 2 minuut e cambio di idea a bin.
Na un patruya por a wak cu un persona cu aparentemente lo tawata paden a sali y bay papia cu e polisnan y despues di esey e ordo a bin pa tur polis bay di e sitio.

BaraBar tin un vergunning pa ta habri te 3’or di marduga, ariba weekend, kiko a pasa cu awor e ta habri te 8’or di mainta no ta conoci y tampoco ken lo por a duna e ordo ey.

Situacionnan manera esaki ta causa cu otro establecimiento nan nocturno tampoco lo bay manetene nan horario di cierre, causando basta problema pa e polisnan cu ta haci nan trabou.