Home Uncategorized Arubiano di 33 aña ta fayece den accidente na Hulanda

Arubiano di 33 aña ta fayece den accidente na Hulanda

SHARE

NUMANSDORP, Hulanda,  – Diadomingo mainta ta sosode un accidente basta pisa riba A29 na altura di Numansdorp. E chaufeur a dal cu su auto contra un pilar di un viaduct, e chaufeur kende ta un arubiano bibando na Hulanda a keda gravemente herida.

Personal di brandweer mester a bin cu materiaalwagen pa libera e victima y cu trauma helicopter ela wordo transporta cu hopi urgencia pa Erasmus MC hospital.

Pa un of otro motibo elo a perde control baha for di caminda y a bay dal contra un pilar di un viaduct. Cuerpo policial regional ta haciendo mas investigacion referente e accidente serio aki.

Riba facebook for di oranan di mainta nos por a mira cu tabata teme pa su bida y tabata pidiendo oracion pe, pero lamentablemente despues di algun rato ta drenta e tristo noticia cu e victima a fayece.

E defunto tabata yama Landhee Garcia di 33 aña y tabata biba na Den Haag, e ta yiu di Lando y Linda Garcia.

Arubanative.com kier a extende su palabranan di mas profundo condolencia, na famia di e fayecido.