Home Uncategorized Motociclista ta perde un brasa, den accidente cruel na Boegoeroei

Motociclista ta perde un brasa, den accidente cruel na Boegoeroei

SHARE

Boegoeroei – Diasabra marduga 4:32 melding ta drenta na central di polis di un motociclista cu a accidenta, esaki tawata altura di Stadion Frans Figaroa.
Mes ora a manda patruya pa e area y na yegada ta pidi un ambulance cu maximo urgencia.

E victima E.R di 29aña ariba e brommer numera MFA- 1167 bayendo direccion nort cu velocidad hopi halto, a perde control y dal contra un palo di luz.
E impacto tawata devastador pa e motociclista, caminda cu su brasa drechi a kita di su curpa den accidente.

Cerca di e palo di luz por a wak e motociclista drumi y otro banda di caminda su brasa, algo hopi cruel.
Ambulance na yegada y loke polis a bisanan cu a pasa a yega y mes ora pone e motociclista den ambulance y sali cune rumbo pa hospitaal.

Na e sitio por a wak con e brommer a keda of miho bisa kiko a resta di e brommer.
Area a wordo cera, caminda cu un investigacion basta largo a tuma luga, te den oranan trempan di mainta.

Informacion adicional ta papia cu situacion di e motociclista ta hopi critico, caminda cu ambos pia tambe a kibra y hopi sla paden.