Home Uncategorized Wanda Broeksema ta regresa Digicel Aruba como General Manager

Wanda Broeksema ta regresa Digicel Aruba como General Manager

SHARE

ORANJESTAD, Aruba – Digicel Aruba a anuncia ayera cu a apunta Wanda Broeksema como e General Manager pe operacion di Aruba y esaki ta efectivamente dia 1 di Mei 2017. Den e rol aki, Wanda Broeksema lo ta responsabel pa tur benta, distribucion y aspectonan di servicio di e compania.

Wanda ta trece cune mas di 16 aña di experiencia den mercadeo unda cu el a join Digicel Aruba prome caba pa un periodo di 6 aña na 2005. Despues di 1 aña como gerente di mercado pa Aruba, a promove Wanda Broeksema como Hefe di Mercadeo y Comunicacion cu responsabilidad di promocion, relacion publico y sponsorship pa e mercado di Aruba, Boneiro y Corsou.

Wanda Broeksema tin un vision profundo den e balornan, pasion y cultura di hendenan di Aruba, cual e lo duna, hunto cu su team, e miho experiencia den comunicacion pa clientenan. “Mi ta contento cu e reto nobo aki cu Digicel. Mi ta mira pa guia e team aki cu hopi talento y dinamismo riba nos mision di duna nos clientenan balor cu experiencianan asombroso riba tur nos plataformanan”, asina Wanda Broeksema a comenta.

Wanda Broeksema lo tuma over for di e General Manager saliente, Bob Sprengers, kende ta bandona e compania na final di April.

Felicitando Wanda Broeksema, Sinead O’ Marcaigh, kende recientemente a haya e rol di Regional CEO pa Aruba, Boneiro y Corsou, a bisa “Mi kier a gradici Bob Sprengers pa su contribucion na e team durante e ultimo 3 añanan y mi ta dese’e tur cos bon pa su futuro aspiracion.”

“Nos ta encanta di yama Wanda Broeksema bon bini bek den e famia di Digicel. Cu su historia, nos tin e confiansa cu Wanda Broeksema lo hiba nos operacion di Aruba pe siguiente nivel sigurando e miho experiencia den comunicacion pa tur nos clientenan.”