Home Uncategorized Yamada falso relaciona cu atraco ariba kiosk di McDonald’s, tawata trata di...

Yamada falso relaciona cu atraco ariba kiosk di McDonald’s, tawata trata di un surprise party

SHARE

Palm Beach – Dialuna anochi laat, yegando mey anochi polis ta wordo informa di un caso di atraco cu lo sosode algun rato prome.
Esaki pa ta exacto tawata na e kiosk di Ice cream di McDonald’s, situa na Paseo Herencia.

Mes ora varios unidad a sali pa e sitio, pero ta ripara na nan yegada cu e kiosk cu ta bende ice crean ta cera y no tin niun hende eybanda.
Tur e unidadnan despues di esey a continua nan caminda.

Algun minuut mas laat

Algun minuut despues cu tur e unidadnan a move, nan ta wordo manda pa McDonald’s na Palm Beach, caminda cu eynan supuestamente e persona cu lo a wordo atraca of un persona lo tin mas informacion pa polis na e sitio.

Polis a yega despues di algun minuut y ta staciona na McDonald’s, caminda e ta wordo acerca pa loke tawata di ta e manager. Eynan un ke otro a wordo papia y a resulta cu niun rato un atraco a tuma luga.
Pero cu tawata un surprise party pa un hefe y mirando cu atraco ta masha in na Aruba lo a usa esey como pretexto pa e hefe presenta.

Un persona aparentemente lo a haci algo fout, relaciona cu surprise party pa e hefe, caminda te hasta polis a cay aden sin tawata mester.

Esnan di McDonald’s cu a prepara e surprise party pa e hefe a pidi mil y un disculpa, paso no tawata nan intencion di involucra autoridad den e caso aki.

Autoridad a bisanan si pa den futuro por fabor usa un otro pretexto y no di atraco cu tin tur hende cu miedo.